Í dag, 12. nóvember kl: 17 – 19 verður haldinn opinn samráðsfundur vegna gerðar stjórnunar- og verndaráætlunar fyrir friðland að Fjallabaki. Fundurinn fer fram í safnaðarheimilinu Hellu, Dynskálum 8.
Um fundarstjórn sjá Hákon Ásgeirsson og Þórdís Björt Sigþórsdóttir en þau eru bæði sérfræðingar hjá Umhverfisstofnun.
Í samtali við Þórdísi Björt kemur fram: „Samráðsfundurinn sem haldinn verður í dag er mikilvægur þáttur í gerð stjórnunar- og verndaráætlunar þar sem afurðir fundarins verða nýttar í að vinna að stefnu friðlandsins, 3. kafla áætlunarinnar. Mikilvægt er að þeir sem vilja koma skoðunum sínum á framfæri varðandi framtíð friðlandsins komi og leggi sínar hugmyndir á borðið.“
Þórdís Björt segir jafnframt að Umhverfisstofnun leggi mikla áherslu á samráð og hvetur fólk því að nýta sér fundinn ef það vill koma skoðunum sínum og hugmyndum á framfæri varðandi friðlandið og framtíð þess.
Þriðji kaflinn fyrrnefndi snýst um stefnu friðlandsins. Þar getur fólk lýst hugmyndum um takmörkun sem varðar umferð og dvöl, en í stjórnunar- og verndaráætlunum er heimild til að setja frekari sérreglur varðandi friðlýst svæði.
Fundardagskrá
17:00 – 17:20
- Hvað er stjórnunar- og verndaráætlun?
- Hvar erum við stödd í ferlinu?
17:20 – 18:00
Hópavinna
Viðfangsefni:
- Svæðaskipting
- Innviðir
- Umsjón og fræðsla
- Göngustígar/leiðir
- Umferð önnur en gangandi
- Ferðaþjónusta
- Öryggismál
18:00-18:15
Kaffihlé
18:15-18:45
Áframhaldandi hópavinna
18:45-19:00
Samantekt og fundarslit
