Glæsilegt hótel sem er í byggingu við Eyraveg á Selfossi hefur verið auglýst til leigu. Hótelið, sem afhendist fullbúið í byrjun maí 2019, verður búið 72 herbergjum, morgunverðarsal, fundasal, starfsmannaaðstöðu, þvottahúsi og glæsilegri 300 m² spa-aðstöðu.
Framkvæmdir hófust í október 2017 en áformað er að opna hótelið í maí 2019. Verktaki í jarðvinnunni er Ingileifur Jónsson á Svínavatni. Arkitekt hússins er Guðni Pálsson, GP arkitektar, og Verkfræðistofa Jóns Kristjánssonar sér um verkfræðiþáttinn. Verkefnastjóri framkvæmda er Aron Freyr Gíslason.
