Erasmus+ faghópur frá borginni Konya í Tyrklandi sótti Árborg heim dagana 10.–15. september sl. Hópurinn fékk kynningu á sveitarfélaginu, m.a. leik- og grunnskólum, skólaþjónustu, félagsþjónustu, bókasafni og frístunda- og íþróttamálum. Fyrir utan heimsóknir í leik- og grunnskóla var skólaheimsókn í FSu og kynning á Fjölheimum og Fishersetrinu.
Margir starfsmenn fagsviða, félaga, skóla og stofnana komu að móttöku og kynningum. Faghópurinn var afar ánægður með móttökurnar og hafði leiðtogi hópsins á orði í lok dagskrár að það gæti verið gaman að fulltrúar Árborgar kæmu síðar í heimsókn til Konya. Borgin er sannkölluð stórborg, þar búa rúmlega 2 milljónir manna.
