„Næstu skref hjá okkur er að sækja um framkvæmdaleyfi, ræða við væntanlega leigutaka og endurnýja samninga við þá. Einnig að hitta væntanlega verktaka Borgarverk og Jáverk til að stilla saman strengi og hefja framkvæmdir vonandi í september. Við áætlum að taka fyrri áfanga í notkun um páska 2020,“ sagði Leó Árnason hjá Sigtúni þróunarfélagi aðspurður um næstu skref hjá félaginu.
„Við erum eins og stór meirihluti íbúa ánægðir með þessa niðurstöðu, mikilvægt að hún var afgerandi. Nú þarf enginn að velkjast í vafa um vilja íbúa. Allir íbúar vilja miðbæ en hvernig hann á að vera í útliti og formi verða alltaf ágreiningsefni. Nú vona ég að allir sætti sig við þessa niðurstöðu og fagni framkvæmdum sem brátt hefjast á miðbæjarsvæðinu.“
