![Jólin komin á Eyrarbakka í ágúst Jólin komin á Eyrarbakka í ágúst](https://i0.wp.com/www.dfs.is/wp-content/uploads/2018/08/IMG_6332-1.jpg?fit=768%2C1152&ssl=1)
Margir ráku upp stór augu þegar þeir keyrðu í gegn um aðalgötuna á Eyrarbakka í gærdag 16. ágúst. Jólaskraut og snjór mættu vegfarendum sem áttu leið hjá í blíðviðrinu, en glampandi sól var í allan gærdag. Það var þó ekki svo að íbúar á Bakkanum væru farnir að þjófstarta jólunum. Gjörningurinn var runninn undan rifjum starfsmanna framleiðslufyrirtækis í auglýsingagerð. Starfsmennirnir voru sposkir á svip þegar þeir voru spurðir um hvað stæði til. Ekkert fékkst þó gefið upp um hvað stæði til. Jólaskreytingarnar og snjórinn settu þó skemmtilegan blæ á bæinn í blíðunni.
![Hér sjást skörp skil í snjókomunni.](https://i0.wp.com/www.dfs.is/wp-content/uploads/2018/08/IMG_6319-1.jpg?resize=1000%2C667&ssl=1)
![Fallegar skreytingar njóta sín í hríminu.](https://i0.wp.com/www.dfs.is/wp-content/uploads/2018/08/IMG_6312-1.jpg?resize=1000%2C667&ssl=1)