Ég hnaut um efni á forsíðu eins dagblaðanna á föstudaginn, þar sem frekar var dregið úr skaðsemi vegna efnistöku á Rauðhólasvæðinu við Rauðavatn, með orðum er lutu að þáverandi meintu þekkingarleysi á umhverfi og náttúru. Seinna gerðum við okkur svo betur grein fyrir “gildi” umhverfis og vandkvæðum okkar í nútíma á að bæta fyrir aðgerðir sem okkur sýndist áður, að okkur væri “hagur” af.

Mér finnst ekki ólíklegt að þar sem náttúra og umhverfi ekki fær að njóta vafans, sé oft um skort á þekkingu að ræða. Það sem líka hefur áhrif og stundum ræður úrslitum, er fullvissa einstaklings, sem kemur að ákvarðanatöku, um eigin þekkingu á því sem um ræðir?

Á meðan ég hugleiddi efnistök mín fyrir þessi skrif mín, rakst ég á birkitré hér á Selfossi sem hafði verið barkflett allan hringinn á um hálfs meters kafla í mittis hæð frá jörðu (sjá mynd).

Við ættum að vera duglegri að ræða um og/eða hvetja til umræði við yngri kynslóðir og aðra, skiptast á skoðunum og gefa okkur meiri tíma eða veita athygli, ýmsu er fram fer í umhverfinu og náttúrunni svona yfirleitt!

Það mun hafa jákvæð áhrif á afkomu ALLRA sem á eftir koma! Með því móti getum við aukið gæði eigin upplifunar og minnkað skaða sem við mennirnir kunnum að hafa á umhverfi okkar.

Umræða um umhverfi og náttúru eykur möguleika annarra á að meta að meiru það sem umhverfinu tilheyrir og við mannskepnurnar stjórnum ekki til hlítar, en getum haft svo mikil áhrif á!

Skemmdir á umhverfinu vegna hroka, fikts og þekkingarskorts, mun þá verði fátíðari.

Meiri skylningur einstaklings á umhverfinu, gerir hann hæfari til ákvarðanatöku síðar meir!

Á Selfossi verða á næstu dögum teknar ákvarðanir er varða nærumhverfið.

„Gildi“ framkvæmda mótar framtíðina ekki síður en peningarnir!

Segir það sig ekki sjálft að ef um „gildi“ er að ræða, þá snúist málið dálítið um þann “hag” sem viðkomandi einstaklingur sér sjálfum sér af fyrirbærinu?

Verður ekki “skaðsemi” verknaðar alltaf hinn sama, hvort sem við höfum áttað okkur á gildi og eigin hag af henni eða ekki? Verður fjárfesting kannski ekki að “of-fjárfestingu”, fyrr en áætlun um tekjur eða eigin hag hættir að standast?

Er fjárfesting mín ekki alltaf sú sama, hvernig svo sem ég næ að nýta hana? Gildi hennar vex með þeim hag sem ég fatta að ég get haft af henni.

Þar tikkar þekkingin inn!

Upplýsingar eða tillögur að öðru efni má fá/koma til skila: 892-7709 og benni@sjalfbaer.com.