Leikskólinn Álfheimar á Selfossi fékk Grænfánann afhentan í áttunda sinn á fimmtudaginn í liðinni viku. Er hann annar leikskólinn hér á landi sem hefur fengið viðurkenninguna átta sinnum. Í tilefni þess var saminn nýr umhverfissáttmáli sem nemendur sungu við afhendinguna.
Álfheimar fengu Grænfánann fyrst árið 2004. Ef skóli nær markmiðum sínum fær hann að flagga fánanum til tveggja ára og fæst sú viðurkenning endurnýjuð ef skólarnir halda áfram góðu starfi.
