Í liðinni viku var skrifað undir samning milli Árborgar og Bjargs íbúðafélags um uppbyggingu á allt að 44 leiguíbúðum í sveitarfélaginu, auk þess sem sveitarfélagið veitti Bjargi vilyrði fyrir tveimur lóðum í væntanlegu íbúðahverfi í Björk til uppbyggingarinnar.
Bjarg er húsnæðissjálfseignarstofnun, stofnuð af ASÍ og BSRB og er ætlað að tryggja tekjulágum fjölskyldum á vinnumarkaði íbúðarhúsnæði í langtímaleigu.
