Þ-listinn í Bláskógabyggð hefur kynnt framboðslista sinn fyrir sveitarstjórnarkosningarnar í vor. Listann skipar öflugt fólk sem býr að fjölbreyttri menntun og reynslu úr atvinnulífinu. Á listanum eru jöfn kynjahlutföll, breitt aldursbil og dreifð búseta um sveitarfélagið. Í tilkynningu segir að kraftar frambjóðenda á Þ-listanum muni nýtast vel í þágu Bláskógabyggðar á komandi árum, með góðum stuðningi íbúanna. Óttar Bragi Þráinsson og Eyrún Margrét Stefánsdóttir hafa setið í sveitarstjórn á yfirstandandi kjörtímabili og búa að dýrmætri reynslu eftir það farsæla samstarf.
Í tilkynnigu segir enn fremur: „Það er skemmtilegt verkefni að móta áherslur okkar fyrir kosningarnar. Virðing og málefnaleg nálgun eru í hávegum höfð í starfi listans. Við óskum þess einnig að íbúar sveitarfélagsins komi sínum hugðarefnum á framfæri, því lýðræðisleg og upplýst umræða er okkur hugleikin. Þið finnið okkur á facebook og einnig á heimasíðu Þ-listans www.xblaskogabyggd.is.“
Listann skipa:
1. Óttar Bragi Þráinsson bóndi, Miklaholti
2. Eyrún Margrét Stefánsdóttir arkitekt, Laugarvatni
3. Axel Sæland, blómabóndi Reykholti
4. Freyja Rós Haraldsdóttir framhaldsskólakennari, Laugarvatni
5. Gunnar Örn Þórðarson garðyrkjubóndi, Laugarási
6. Ragnhildur Sævarsdóttir náttúrufræðingur og bóndi, Hjálmstöðum
7. Sigurjón Pétur Guðmundsson forstöðumaður, Reykholti
8. Guðrún Karitas Snæbjörnsdóttir ferðaþjónustubóndi, Efstadal 2
9. Áslaug Alda Þórarinsdóttir stuðningsfulltrúi, Spóastöðum
10. Kristján Einir Traustason framkvæmdastjóri, Einiholti 2
11. Smári Stefánsson fjallaleiðsögumaður, kennari og frumkvöðull, Laugarvatni
12. Íris Inga Svavarsdóttir nuddari og garðyrkjukona, Reykholti
13. Sigurlaug Angantýsdóttir grunnskólakennari og garðyrkjubóndi, Laugarási
14. Þórarinn Þorfinnsson bóndi, Spóastöðum
