Fréttateymi frá bandarísku sjónvarpsstöðinni CBS kom til Íslands á dögunum til að vinna fréttainnslag um eldvirkni á Íslandi. Wendy Gillette fréttakona var í forsvari fyrir teymið, en hún er þekkt andlit í bandarísku sjónvarpi.
Markaðsstofa Suðurlands hafði milligöngu og umsjón með heimsókn þeirra á Suðurlandið. Farið var í Lava Center og þar tekin viðtöl við Ara Trausta Guðmundsson jarðfræðing og Ásbjörn Björgvinsson markaðsstjóra Lava Center. Einnig fór teymið í dagsferð um Suðurland í boði Mountaineers of Iceland. Mikil ánægja var með ferðina hjá fréttateyminu og létu þau vel af landi og þjóð. Stefnt er á að innslagið fari inn á fréttaveitu CBS í febrúar og má reikna með að milli 6 og 7 milljónir manns sjá innslagið.
Fréttateymi frá CBS á Suðurlandi
