Við stuðningsmenn Elvars Eyvindssonar fyrrverandi sveitarstjóra í Rangárþingi eystra, hvetjum sveitunga okkar til að veita Elvari brautargengi á Alþingi Íslendinga í komandi alþingiskosningum. Kosningarnar fara fram næstkomandi laugardag og býður Elvar sig fram fyrir hönd Miðflokksins í Suðurkjördæmi.
Okkur er enn í fersku minni hvernig Elvar sem sveitarstjóri Rangárþings eystra tókst á við þær erfiðu aðstæður sem voru uppi er Eyjafjallajökull tók upp á því að gjósa senmma árs 2010. Hvernig hann tókst á við það verkefni af ósérhlífni, æðruleysi og dugnaði og hvernig hann bar hag íbúa Rangárþings fyrir brjósti.
Með Miðflokknum er komið fram nýtt stjórnmálaafl sem byggt er á traustum grunni. Elvar er einn af þeim fjölmörgu félögum í Miðflokknum sem hafa byggt þann grunn með reynslu sinni og störfum. Við þurfum menn eins og Elvar á þing fyrir Suðurkjördæmi.
XM fyrir Elvar Eyvindsson og okkur öll.
Fyrir hönd stuðningsmanna,
Egill Sigurðsson, stjórnarform. MS og Auðhumlu, Berustöðum
Gunnar Örn Marteinsson, ferðaþjónustubóndi, Steinsholti
Vignir Jónsson, garðyrkjubóndi, Auðsholti
Ásdís Ágústsdóttir, húsmóðir, Selfossi
Erlendur Árnason, hestadómari, Skíðbakka
Ingveldur Guðjónsdóttir, skrifstofumaður, Selfossi
Benedikt Hans Kristjánsson, bóndi, Ferjunesi
Björn Sigurðsson, fyrrv. útibússtjóri, Hellu
