Fjölga þarf lögreglumönnum. Hér á Suðurlandi er mikil fjölgun ferðamanna og löggæsla og hjúkrunarþjónusta skorin niður. Flokkur fólksins ætlar að breyta því. Öryrkjum og eldri borgurum verði tryggð mannsæmandi afkoma svo að þeir geti lifað með reisn og þessi þjóðfélagshópur verði virtur. Flokkur fólksins krefst þess að ekkert íslenskt barn búi við fátækt og að öllum börnum verði tryggt gjaldfrjálst fæði í grunnskólum. Flokkur fólksins krefst þess að 300 þúsund króna mánaðarlaun verði ekki skattlögð. Auka ber vernd íslenskrar náttúru. Flokkur fólksins vill að lífeyrissjóðir landsins verði endurskoðaðir og í framtíðinni verði einn lífeyrissjóður allra landsmanna. Unga fólkið, um 30 þúsund manns, hafa yfirgefið okkar fallega land og hver vill það? Enginn. Því þurfum við að breyta og það ætlar Flokkur fólksins að gera. Kjósum Flokk fólksins.

Valgerður Hansdóttir skipar 6. sæti á lista Flokks fólksins í Suðurkjördæmi.