Dagur Fannar Einarsson setti nýtt Íslandsmet í fjölþrautum í piltaflokki 15 ára á Meistaramóti Íslands 2. september sl. Dagur Fannar fékk 2.859 stig og er það að sjálfsögðu einnig HSK-met. Ein af þátttökugreinunum var 1500 m hlaup. Þá hljóp hann á 4:38,14 mínútum og setti um leið HSK-met í þeirri grein. Þess má geta að HSK-metið í þessum aldursflokki átti Þór Vigfússon, 4:38,1 með handtímatöku og var það sett fyrir nákvæmlega 66 árum, þann 2. september 1951. Met Þórs var elsta HSK-metið utanhúss í grein sem enn er verið að keppa í.
Hildur Helga Einarsdóttir sigraði svo 15 ára stúlknaflokkinn á Meistaramótinu með yfirburðum, fékk 4031 stig sem er 550 stigum meira en silfursætið og einnig HSK-met.
