Alþjóðlega Rey Cup mótið fór fram í Laugardalnum í Reykjavík um síðustu helgi. Fjögur lið frá Selfossi tóku þátt auk þess sem sameiginlegt lið Selfoss og Sindra tók þátt í 3. flokki kvenna. Árangurinn var með miklum ágætum og unnu til að mynda strákarnir í 4. flokki í keppni í sínum flokki.
Þátttakendur á Rey Cup eru 13–16 ára og er þetta langstærsta knattspyrnumót landsins fyrir þennan aldurshóp. Alls komu um 1.600 unglingar saman, spiluðu knattspyrnu og skemmtu sér konunglega frá miðvikudegi til sunnudags.
