Björgunarsveitir af Suðurlandi sinntu fyrir miðnætti í gær, mánudaginn 31. júlí, eftirgrennslan eftir göngukonu sem hélt ekki ferðaáætlun sem hún hafði skilið eftir áður en hún lagði af stað í göngu á Fimmvörðuháls.
Í tilkynningu sem Landsbjörg sendi frá sér eftir miðnætti segir að komið hafi fram upplýsingar sem kalli á að leit hefjist á Fimmvörðurhálsi, af fullum þunga í birtingu og að björgunarsveitir hafi verið boðaðar út í verkefnið.
Uppfært kl. 09:30:
Um átta leytið í morgun fann hópur björgunarsveitafólks frönsku göngufélagana sem leitað hefur verið að síðan í gærkveldi. Ekkert amaði að þeim og fundust þau í Emstru skála á Laugarveginum. Hefur öllum leitarhópum verið snúið til baka.
