Brunavarnir Árnessýslu fengu í nótt tilkynningu um eld innandyria í gistihúsi á Stokkseyri. Þegar vakthafandi varðstjóra BÁ og lögreglu bar að garði slökktu þeir eldinn, sem reyndist vera í rafmagnstöflu, með duftslökkvitæki. Stuttu síðar kom dælubíll með reykköfurum á vettvang og fóru reykkafarar inn og slökktu í þeim glæðum sem eftir voru. Reykræsta þurfti húsnæðið að slökkvistarfi loknu. Ekki varð teljandi tjón á fasteigninni vegna eldsins og ekki er vitað til þess að gestum gistiheimilisins hafi orðið meint af vegna atviksins. Þetta kemur fram á facebook síðu Brunavarna Árnessýslu.
Eldur í rafmagnstöflu í gistihúsi á Stokkseyri
![eldur](https://i0.wp.com/www.dfs.is/wp-content/uploads/2017/06/eldur.jpg?resize=1000%2C563&ssl=1)