Þrjár ungar stúlkur úr Grunnskólanum í Hveragerði hafa gefið út skemmtilegt nýtt lag, Förum í sumarfrí, sem vafalaust á eftir að óma á öldum ljósvakans í sumars enda er hér um léttan og skemmtilegan sumarsmell að ræða.
Tríóið Míó-tríó flytur lagið en það skipa þær Gígja Marín Þorsteinsdóttir og systurnar Gunnhildur Fríða og Hrafnhildur Birna Hallgrímsdætur. Þær tóku í vetur þátt í Samfés með góðum árangri og í kjölfarið hafa þær komið fram á ýmsum viðburðum og gefa nú í fyrsta sinn út frumsamið lag í samstarfi við föður þeirra systra, Hallgrím Óskarsson.
Myndbandið er hið glæsilegasta enda tekið á ýmsum fallegum stöðum í og við Hveragerði.
Full ástæða er til að óska hinum ungu tónlistarkonum til hamingju með flotta lagið þeirra og óska þeim velfarnaðar á listabrautinni í framtíðinni.
Hér má hlusta á lagið og sjá flotta myndbandið:
