Handknattleiksdeild Selfoss sendi frá sér fréttatilkynningu seint í gærkvöldi þar sem fram kemur að deildin hefur gert þriggja ára samning við Patrek Jóhannesson um þjálfun meistaraflokks karla á Selfossi.
Patrekur mun einnig verða framkvæmdastjóri handboltaakademíu Fjölbrautaskóla Suðurlands sem deildin rekur.
Patrekur Jóhannesson á langan farsælan feril að baki í handboltaheiminum sem leikmaður hér heima, landsliðsmaður og atvinnumaður erlendis. Hann hefur einnig þjálfað nokkur félagslið hér heima og erlendis. Þá hefur hann verið og er núverandi landsliðsþjálfari Austurríkis.
