Skömmu eftir hádegi í dag barst svartur reykur frá brennslugámi sem staðsettur er við SS á Selfossi. Að sögn Péturs Péturssonar, slökkviliðsstjóra hjá Brunavörnum Árnessýslu, varð reykurinn til vegna bilunar í hitanema. Fljótlega gekk að slökkva eldinn.
Brennslugámurinn hefur verið í notkun hjá sláturhúsi SS á Selfossi frá því í haust. Þar eru brenndir svokallaðir áhættuvefir en það er ýmis lífrænn sláturúrgangur. Öllum reglum hefur verið fygt í samræmi við reglur Heilbrigðiseftirlits Suðurlands.
