![Hamingjan var látin flæða upp á Selfoss Hamingjan var látin flæða upp á Selfoss](https://i0.wp.com/www.dfs.is/wp-content/uploads/2017/03/hamingjuferd.jpg?fit=768%2C576&ssl=1)
Nemendur í 3. bekk Barnaskólans á Eyrarbakka og Stokkseyri fóru í vettvangsferð á Selfoss síðastliðinn mánudag. Kveikjan að ferðinni var sú að nemendur í BES fóru með jákvæð orð í nokkrar stofnanir við ströndina á baráttudegi gegn einelti þann 8. nóvember sl. Nemendum og kennurum langaði alltaf að láta hamingjukrukkurnar með jákvæðu orðunum flæða upp á Selfoss. Því ákváðu nemendur 3. bekkjar ásamt umsjónarkennara að láta verða af því og fóru með rútu á Selfoss. Farið var á bókasafnið, í ráðhúsið, á lögreglustöðina og að skoða sjúkrabílana. Öllum voru færðar hamingjukrukkur með jákvæðum orðum til að hafa á kaffistofunni. Síðan var strætó tekinn heim. Ferðin var í alla staði skemmtileg, áhugaverð og fróðleg. Nemendur fengu afar góðar móttökur þar sem þau komu og fengu að skoða, prófa og upplifa marga hluti.