Elfa Dögg Þórðardóttir, fulltrúi Sjálfstæðisflokks í bæjarstjórn Árborgar, segist að óbreyttu ekki geta starfað áfram með sjálfstæðismönnum en hún hyggst ekki víkja úr bæjarstjórn. Meirihlutinn í Árborg er því í uppnámi en Sjálfstæðisflokkurinn hefur hingað til verið með hreinan meirihluta.

Sjálfstæðisflokkurinn er með fimm fulltrúa af níu í bæjarstjórn og segi Elfa Dögg skilið við flokkinn er ljóst að meirihlutinn er fallinn.

Hún segir að málin hljóti að skýrast á fundi sjálfstæðismanna á morgun.

„Málið er það að á fundi á mánudag tjáði meirihlutinn mér að ég nyti ekki stuðnings þeirra, ef maður nýtur ekki stuðnings meðal sinna eigin félaga hlýtur samstarfinu að vera sjálfhætt, af þeirra hálfu.“

Elfa Dögg segist ekki hafa fengið skýringar á því hvers vegna hún nyti ekki lengur stuðnings félaga sinni en segist telja að ástæðuna megi m.a. rekja til að hún hafi ekki stutt úrsögn Árborgar úr Skólaskrifstofu Suðurlands nýlega.

„Ég get náttúrulega ekki starfað með fólki sem treystir mér ekki, það segir sig sjálft,“ segir Elfa Dögg. Hún segist þó ekki hafa formlega fundað með öðrum flokkum í bæjarstjórn og málið sé óleyst enn.

„Menn hafa hist yfir kaffibolla en ekkert búnir að tala saman. Það hafa ýmis orð fallið en þetta hlýtur að skýrast á morgun.“

Elfa segist þó ekki ætla að yfirgefa bæjarstjórn Árborgar. „Nei, ég var kjörin til þessa starfs og er að vinna að ýmsum málum sem ég ætla ekkert að hlaupa frá.“

Þetta kemur fram á vef Ríkisútvarpsins, www.ruv.is

Listasmiðja náttúrunnar hefur starfsemi sína með námskeiði á Stokkseyri  næstkomandi sunnudag og er liður í dagskrá Vor í Árborg. Listasmiðja náttúrunnar er vistvænt farandnámskeið þar náttúran og nærumhverfið á hverjum stað er efniðviður listsköpunarinnar.

Lesa nánar

Fjölmennt, símenntunar- og þekkingarmiðstöð hefur samið við Fræðslunet Suðurlands um að Fræðslunetið sinni framvegis símenntun fatlaðs fólks á Suðurlandi.

Lesa nánar

Sá óvenjulegi atburðir hefur gerst í sauðburðinum í fjárhúsinu hjá Þorsteini Loga Einarssyni í Egilsstaðakoti í Flóahreppi að þar fæddist lamb með þrjár lappir, fjórðu löppina vantar alveg.

Lesa nánar

Nú er í gangi áhugavert samstarfsverkefni áhugahóps um matarmenningu og matvælaframleiðslu í Árnessýslu í tengslum við vaxandi ferðaþjónustu í sýslunni. Stefnan er sett á upprunamerkingar matvæla sem framleidd eru á svæðinu.

Lesa nánar